Yetholm Day

Doon tae the square in early morn’
Tae watch the laddie ride
As he hauds the flag abin his steed
It fills us a’ wi pride
The crowds they fill the pavements
“3 cheers” ye hear them say
As they a’ heed oot frae Kelsae toon
Tae ride on Yetholm day

Oh-oh, tae ride, tae ride
Oh-oh, tae ride on Yetholm day

Ower they come, by Venchen Hill
Kirk Yetholm in their sights
The laddie an’ his followers
A’ decked wi blue and white
The wine and beer flows freely
And their havin’ picnics tae
As the Kelsae folk a’ gether roond
On this bonnie Yetholm day

Oh-oh, tae ride, tae ride
Oh-oh, tae ride on Yetholm day

The Riders gether on the green
Tae watch the eightsome reel
Dancing tae the pipers tune
The lassies hearts they steal
And off they gallop through the haugh
The laddie’s on his way
Ridin’ hame tae Kelsae
On the laddie’s Yetholm day

Oh-oh, tae ride, tae ride
Oh-oh, tae ride on Yetholm day

Arivin’ back by Maxwellhugh
In pairs, side by side
An’ at the presentation
The youngest rider stands wi pride
The laddie hands back the flag
Unsullied and unstained
Which marks the end o civic week
Upon this Yetholm Day

Oh-oh, tae ride, tae ride
Oh-oh, tae ride on Yetholm day
Oh-oh, tae ride, tae ride
Oh-oh, tae ride on Yetholm day